放飞机嘅由来～
何为「放飞机」呢？话说旧香港，有一日，就要上演飞机飞行，喺香港有史以来第一次有飞机睇！仲要喺架水上飞机添，全香港万众期待啊！第一日到来，因为打风，冇得开，众人失望而归；第二日，天朗气清，各人以为有嘢睇，点知个飞机师病咗，要推到第三日；而第三日呢，轮到部飞机个引擎出事，修理唔到，跟住就～bye bye 喇！所以啲人就用放飞机嚟形容讲咗去做又唔做嘅人嘅行为嘞！
≈≈≈≈≈≈≈≈≈≈≈≈≈≈≈≈≈≈≈
巴闭嘅由来～
「巴闭」来自广州话，好耐好耐以前喺学自印度话，汉朝既时候广州已经同东南亚及中东等国家人民做生意， D 印度商人好鬼嘈，成日叫：「bap re , bap re！」呢句嘅意思喺「我的天呀！」，于是广洲人就学佢地咁讲 ，讲下讲下就变成今日嘅「巴闭」喇 ！
≈≈≈≈≈≈≈≈≈≈≈≈≈≈≈≈≈≈≈
混吉嘅由来～
原来喺因为以前嘅小型饭店，只要你去帮衬就会免费奉送一碗清汤，饭店每日所售嘅鸡鸭鹅猪牛肉，都喺用呢一锅水整熟嘅，所以汤入面有肉味，然后落一堆味精，就喺一碗清汤啦！因为喺清汤，所以入面乜料都冇，即喺空空如也，香港人觉得「空」等于「凶」，所以就改成「吉」，所以碗汤就叫作「吉水」；当时，有好多穷人，入到饭店一坐低，伙记就摞一碗「吉水」嚟，D 穷人一口气饮完静鸡鸡就走咗去，因为呢碗汤喺免费，所以饭店唔可以捉佢，所以伙记就叫呢种混骗嘅行为叫作「混吉」！
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
杯葛嘅由来～
其实，「杯葛」是英文 boycott 的译音，意思即喺「反抗和抵制」，唔讲你唔知，此 boycott 原来喺一个人名，佢全名叫作 charles cunningham boycott ，生于 1832 年，死于 1897 年，喺北爱尔兰一个恶汉，专替贵族大地主等收租，手段凶残，专逼害那些穷困的佃户，一遇到冇钱交租嘅，就会诸多逼害；于是，呢班佃户一呼百应，联合起来对付逼害者；boycott 打唔过班佃户，惟有落荒而逃，自始面目无光，备受困扰痛苦而死；爱尔兰佃户今次打胜仗，轰动一时，影响很大；此后但凡抵制或断绝关系，成为政治经济斗争手段，就以呢位爱尔兰收租佬的姓氏命名，叫作「杯葛」啦。
≈≈≈≈≈≈≈≈≈≈≈≈≈≈≈≈≈≈≈
大耳窿嘅由来～
香港开阜之初，香港聚集好多洋人印度人，而放贵利的多数喺「白头摩罗」，这些「摩罗差」戴白头巾，所以人人都叫佢地作「白头摩罗」；白头摩罗扮相古怪，爱戴一只大如铜元的耳环，所以耳朵要穿个耳洞，港人觉得可憎，称他们为「大耳窿」；不过，还有一个说法，当时放贵利都喺放小额款项如三几角钱，给劳苦大众，为使人们知到他们有钱借，便把一个银元塞在耳朵的耳窿，作为记号，俾人认得。
≈≈≈≈≈≈≈≈≈≈≈≈≈≈≈≈≈≈≈
一蚊鸡嘅由来～
「一蚊鸡」喺与塘西风月扯上关系；话说去塘西召妓，初步手续先写一张「花纸」，而格式亦有一规定，先写自己名号（以几多自称），中间写妓女名字，最后一行写妓院名称；写好之后，便交由酒楼杂役带去妓院，那些阿姑接到「花纸」，便应召「出局」；妓女每次局票收一元，而省港人士向来称妓女为「鸡」，既然一元召得一鸡，后来就索性称一元做「一蚊鸡」；顺带一提，这一元只是陪酒谈笑而已，属体面上的手续，如果饮客要有更进一步的行动，还要花很多很多钱，这「一蚊鸡」只喺美梦嘅开始！
≈≈≈≈≈≈≈≈≈≈≈≈≈≈≈≈≈≈≈
十三点嘅由来～
「十三点」喺上海市井俚语，因为中国解放之后大量上海人南移，才变成趣怪广州话。「十三点」初时意谓「敲乱钟」，原来旧时的时钟，每逢 1 小时便报时 1 次，例如下午 4 时，钟摆便会敲响 4 下，至多喺 12 点，也不过敲 12 下，但居然敲出 13 响，唔通有 13 点咩？当然喺出咗问题，正如俗语所讲癫癫地！ 所以，「十三点」就喺代表人既性格癫癫地。
≈≈≈≈≈≈≈≈≈≈≈≈≈≈≈≈≈≈≈
丫呜嘅由来～
有好长一段时间，广东人已遗忘「丫呜」这俗语。「丫呜婆」指丑怪女人，因为「丫呜」本身已经喺怪物，而「丫呜婆」当然喺好极有限。其实，以前有个汉朝大将军叫作刘胡，因为皮肤坳黑，所以叫呢个将军「坳胡」；蛮人非常害怕大将军之武功，每遇小孩扭计哭啼，就索性拿这个恶人来吓孩子们：「刘胡来啦！」「坳胡来啦！」「丫胡婆来啦！」「丫胡公来啦！」；由此可见，「丫呜」不算喺什么怪物，只是个貌丑的黑炭头将军，后来才渲染成为鬼怪！
≈≈≈≈≈≈≈≈≈≈≈≈≈≈≈≈≈≈≈
死扑街既由来～
「死扑街」原来的意思唔喺粗口。五、六十年代系香港有好多有钱的鬼佬成日媾女。果阵时唔似而家又卡拉OK、又上网咁多娱乐活动，媾女基本上只有 4 种选择：第 1 种：比较无钱就去公园郊游
第 2 种：有 D 钱就去睇戏
第 3 种：比较有钱就去跳茶舞
第 4 种：高尚人家去打网球
一般用打网球呢种方法媾女的都喺有钱仔，又偏偏喺呢班友最无本心，经常「嚼完松」搞大人个肚又唔认数，所以广大市民都好憎恨呢班以体育为名玩弄女性的家伙；因为系呢班人里面有好多都喺鬼仔，果时系香港鬼佬仲比较霸道，所以大家都唔敢直接叫「衰人」，就用英文叫呢班人「sports guy」，中文意思喺「玩体育的死仔」；经常有家长同 D 意乱情迷的女儿讲：「果个喺 sports guy 尼嘎，玩你嘎咋，女。」；到后来，「sports guy」就被音译成广州话「死卜街」，凡喺 D 好衰好衰的人都喺嘞！（大花都网资料）
No comments:
Post a Comment